Lojrat Olimpike 2024, çfarë mund të mësojmë nga puna në skuadër

Sipërmarrësit e suksesshëm shpesh frymëzohen nga vlerat sportive për të motivuar punonjësit e tyre. Lojërat Olimpike Paris 2024 po nxjerrin në pah edhe njëherë lidershipin, bashkëpunimin në ekip dhe performancën individuale për të rrëmbyer një medalje.

Drejtuesit e biznesit mund të mësojnë shumë nga udhëheqja olimpike dhe puna në ekip. Mësimi i parë “Olimpik” është krijimi i një vizioni që bashkon njerëzit dhe palët e interesuara. Frymëzimi i punonjësve për t'u lidhur me këtë vizion i bën ata të ndihen pjesë e një ekipi, duke u fuqizuar në punën e tyre.

Një aspekt tjetër kyç është ndërtimi i një ekipi yjesh në vend të një lojtari të vetëm të mirë.

Performanca individuale është e dobishme, por suksesi i një projekti varet nga ekipi në tërësi. Hulumtimi nga Speakers Corner thekson se 30% e drejtuesve të biznesit u japin përparësi aftësive individuale, 32% i japin përparësi punës në grup dhe vetëm 35% i konsiderojnë te dyja po aq të rëndësishme.

Rezultati i ekipit është thelbësor, por gjithashtu secili anëtar duhet të jetë autonom në performacën e tij. Të ndihesh pjesë e një projekti më të madh i ndihmon njerëzit të investohen emocionalisht në punën e tyre, duke kontribuar në vizionin e përbashkët. Për shembull, në Kupën e Golfit "Ryder", lojtarët kryesorë mblidhen së bashku për të përfaqësuar shtetin e tyre denjësisht. Qasja e punës me këtë mentalitet grupi mund të çojë në rezultate të shkëlqyera për çdo kompani.