Duapune.com merr pjesë në “The Network Workshop Conference 2022!”

The Network Workshop Conference u organizua në datat 12 Tetor - 14 Tetor, 2022 në një nga ishujt më të mëdhenj të Greqisë, Rodos, i cili njihet si një atraksion turistik dhe historik.

Rrjeti i The-Network u themelua në vitin 2002 nga StepStone dhe Totaljobs.com me një mision për t'u ofruar rekrutuesve një zgjidhje globale për të gjitha nevojat e tyre ndërkombëtare për punësim. Sot, The-Network është aktiv në mbi 130 vende të botës dhe duapune.com është përfaqësuese e Shqipërisë dhe Kosovës në këtë rrjet.

Kjo konferencë u oganizua për nivelin operacional të kompanive anëtare në The-Network: Shitjet, Shërbimi ndaj Klientit dhe Punonjësit e Marketingut.

Arsyeja e parë e këtij organizimi është rrjetëzimi! Dhe së dyti, ky event synon të mbajë ekipet e vendeve anëtare të përditësuar me rregullat, proceset, funksionimin e sistemeve dhe praktikat më të mira për të përmirësuar nivelin e ekspertizës ndërkombëtare të rekrutimit.