Përshkrimi

PROGEEN sh.p.k. është një kompani që operon në tregun Shqiptar që prej vitit 2013 në fushën e ndërtimit si Investitor dhe Kontraktor Kryesor. Vlerat kryesore të PROGEEN janë profesionalizmi, besueshmëria dhe cilësia e lartë e ndërtimit duke përfshirë zgjidhje bashkëkohore në çdo projekt. PROGEEN çmon më së shumti kapitalin njerëzor të profesionistëve, të cilit i beson suksesin e çdo projekti.

Ke pasion të punosh në fushën e sigurisë në punë dhe dëshirë për të bërë ndryshim? Ky është rasti. Progeen është në kërkim të një Inxhinieri HSE që do të ndihmojë në krijimin e një mjedisi pune të sigurt dhe në përputhje me standardet më të larta. Nëse ke përvojë në menaxhimin e rreziqeve, trajnimin e stafit dhe zbatimin e politikave HSE, kjo është mundësia jote! Apliko tani dhe bëhu pjesë e grupit tonë!

Pozicioni: Përgjegjës/Koordinator i sigurisë dhe shëndetit në punë (HSE)
Vendndodhja: Durrës

Detyrat

Detyrat dhe Përgjegjësitë kryesore:

• Zbaton dhe monitoron politikat dhe procedurat e shoqërisë në përputhje me legjislacionin në fuqi;
• Organizon dhe realizon instruktime periodike për punonjësit e shoqërisë dhe punonjësit e nënkontraktorëve;
• Organizon dhe mirëmban dokumentacionin teknik dhe ligjor që lidhet me sigurinë dhe shëndetin në punë;
• Trajnon punonjësit për njohjen, kuptimin dhe zbatimin e DVR-së në aktivitetet e tyre të përditshme;
• Kryen inspektime ditore në kantier për identifikimin dhe menaxhimin e rreziqeve, si dhe për verifikimin e përputhshmërisë me masat e sigurisë;
• Identifikon dhe eliminon rreziqet potenciale përmes veprimeve parandaluese dhe korrigjuese në përputhje me DVR-në dhe planin e sigurisë;
• Informon dhe trajnon stafin mbi procedurat e evakuimit në raste emergjente, sipas planit të sigurisë;
• Mbledh dhe ruan regjistrat për inspektimet, trajnimet, aksidentet dhe të gjitha aktivitetet që lidhen me sigurinë dhe shëndetin në punë;
• Përgatit raporte javore të detajuara mbi gjendjen e sigurisë në kantier, të cilat i dorëzohen drejtuesit/inxhinierëve të kantiereve si dhe menaxherit të sigurisë dhe shëndetit në punë;
• Siguron një linjë të rregullt komunikimi me drejtorin e kantierit për çështje që lidhen me zbatimin e masave të sigurisë dhe përmirësimet e nevojshme; si dhe me menaxherin e sigurisë dhe shëndetit në punë;
• Harton, përditëson dhe zbaton procedurat e reagimit në rast situatash të paparashikuara apo aksidentesh, në bashkëpunim me ekipet përgjegjëse;
• Verifikon që i gjithë stafi të ketë marrë në dorëzim pajisjet mbrojtëse individuale (PMI) dhe siguron plotësimin dhe arkivimin e procesverbaleve përkatëse të marrjes në dorëzim.

Kualifikimet

Kualifikimet dhe Aftësitë kryesore:

• Diplomë në Inxhinieri;
• Eksperiencë pune mbi 2 vjet;
• Vërtetime përkatëse ose Çertifikata trajnimi shtesë përbëjnë avantazh;
• Të ketë njohuri në përdorimin e paketës MS OFFICE;
• Të ketë njohuri të gjuhës angleze;
• Aftësi për zgjidhjeje të problemeve;
• Të ketë aftësi komunikuese dhe bashkëpunuese.

Shënime

Mënyra e aplikimit
Të interesuarit të dërgojnë CV-në në adresën [email protected], duke specifikuar në subjekt të email-it titullin e pozicionit brenda datës 02/11/2026.

*Të gjitha aplikimet do të trajtohen me konfidencialitet të plotë sipas ligjit Nr. 124/2024, “Për Mbrojtjen e të Dhënave Personale”