Përshkrimi

Kompania Balfin Construction (ish Mane TCI), pjesë e Grupit BALFIN, është lider në ndërtim dhe investim të projekteve zhvilluese, në Shqipëri dhe rajon. E themeluar në vitin 2001. Balfin Construction është e specializuar në fushën e ndërtimeve civile dhe industriale, si: Qendra Tregtare, Godina Rezidenciale, Qendra Sociale dhe Kulturore, ndërtime industriale dhe infrastrukturë.

Grupi BALFIN është një nga grupet e investimeve më të suksesshme në Ballkanin Perëndimor. I themeluar në vitin 1993, sot Grupi operon në Austri, Shqipëri, Kosovë, Bosnje dhe Hercegovinë, Kroaci, Maqedoninë e Veriut, Zvicër, Mal të Zi, Holandë, Kanada dhe Shtetet e Bashkuara të Amerikës.

Portofoli i tij i diversifikuar përfshin disa sektorë, përfshirë bankat, zhvillimin e pasurive të paluajtshme, tregtinë me shumicë dhe pakicë, menaxhimin e aseteve, turizmin, logjistikën, arsimin dhe argëtimin. Me rreth 5,500 profesionistë të punësuar, BALFIN Group vazhdon të rritet në mënyrë të qëndrueshme, i udhëhequr nga etika e fortë e biznesit, stabiliteti financiar, inovacioni dhe angazhimi afatgjatë për ndikim pozitiv në komunitet përmes Mane Foundation.

Përmbledhja e Pozicionit: Inxhinieri HSE është përgjegjës, në kuadër të Kontraktorit të Përgjithshëm, për koordinimin, zbatimin, mbikëqyrjen dhe verifikimin e kërkesave të Health, Safety & Environment (HSE).

Inxhinieri HSE siguron që aktivitetet e ndërtimit dhe masat për shëndetin, sigurinë dhe mjedisin të zbatohen në përputhje me legjislacionin shqiptar në fuqi, kërkesat e miratuara të projektit, IFC Performance Standard 4, WBG EHS Guidelines dhe standardet EN/NFPA të aplikueshme për projektin.

Detyrat

• Të koordinojë dhe monitorojë zbatimin e kërkesave HSE gjatë fazës së ndërtimit.
• Të realizojë inspektime dhe kontrolle periodike në kantier, duke verifikuar respektimin e kërkesave për shëndetin, sigurinë dhe mjedisin.
• Të identifikojë risqet dhe mospërputhjet HSE, të propozojë masat korrigjuese përkatëse dhe të ndjekë zbatimin dhe mbylljen e tyre.
• Të koordinojë me ekipet HSE, QA/QC, MEP, projektuesit dhe nënkontraktorët për instalimin dhe inspektimin e sistemeve Life & Fire Safety (L&FS).
• Të verifikojë dhe administrojë dokumentacionin HSE, përfshirë raportet e inspektimeve, dokumentacionin e testimeve, certifikatat dhe evidencat përkatëse.
• Të bashkëpunojë, sipas nevojës, me autoritetet kompetente, projektuesit dhe specialistët teknikë për çështje që lidhen me HSE dhe Life & Fire Safety.

Kualifikimet

Edukimi: Të zotërojë diplomë universitare, dega Inxhinieri Mjedisi/ Elektrike/ Mekanike/ disipline tjetër teknike relevante.

Kualifikime profesionale: Kualifikime ose licenca profesionale relevante në fushën HSE, MZSH, mbikëqyrjes, zbatimit të punimeve. Trajnimet dhe certifikimet specifike në HSE dhe mbrojtjen nga zjarri konsiderohen avantazh.

Kërkesat e pozicionit:

• Të ketë të paktë 3 vite eksperiencë profesionale si Inxhinier HSE.
• Të ketë eksperiencë të dokumentuar në pozicione HSE në projekte ndërtimi, sisteme MEP dhe sistemeve të mbrojtjes nga zjarri.
• Të ketë njohuri të mira të kërkesave HSE për kantieret e ndërtimit dhe të menaxhimit të risqeve.
• Të ketë njohuri teknike mbi sistemet e detektimit dhe alarmit të zjarrit, sistemet sprinkler/hidrant, pompat e zjarrit, sistemet e kontrollit të tymit, furnizimin me energji emergjente dhe ndërfaqet BMS të sistemeve të mbrojtjes nga zjarri. fire detection & alarm, sprinkler/hydrant systems, fire pumps, smoke control, emergency power dhe BMS/fire interfaces.
• Të ketë aftësi në leximin e projekteve teknike, vizatimeve të zbatimit (shop drawings), specifikime teknike dhe metodologjive të punimeve.Të ketë njohuri të legjislacionit shqiptar për sigurinë dhe shëndetin në punë dhe mbrojtjen nga zjarri.
• Të ketë njohuri pune mbi IFC Performance Standard 4 (IFC PS a), WBG EHS Guidelines dhe standardet EN/NFPA të aplikueshme.
• Të ketë aftësi të mira koordinimi, komunikimi, raportimi dhe bashkëpunimi me ekipet e projektit, nënkontraktorët, projektuesit dhe autoritetet kompetente.
• Të ketë zotërim të avancuar i gjuhës angleze, në të folur dhe në të shkruar.

Shënime

Çfarë Ofrojmë:

• Paketë tërheqëse përfitimesh, duke përfshirë pagë konkurruese dhe të drejtë, bazuar në meritë dhe vlerësimin e performancës.
• Mundësi të shkëlqyera për zhvillimin profesional dhe rritjen në karrierë pranë BALFIN Construction dhe BALFIN Group.
• Ditë shtesë pushimi.
• Shpërblime dhe vlerësime për performancën.

Mënyra e aplikimit:

Të gjithë të interesuarit mund të aplikojnë duke dërguar CV-në e tyre brenda datës 16 Tetor 2026.

*Pas përfundimit të procesit të përzgjedhjes, do të njoftohen vetëm kandidatët e kualifikuar.

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.